Yun Hi...

Bheed-Bhaad ke pahado mein,

Khamoshi ban ke ghoomta hoon.

Takrata hoon beetein palon se,

Aur,

Ek gehri saans ban ke barasta hoon.

Dil ek Qabr hai.

Samjhote ki mitti se,

Jahan Dafan hai laashe;

Uski, meri aur humari…

Dosto ki mehfil mein,

Tanhai se mulakaat hoti hain, aksar.

Hum bhaitte hain ghanto

Aur,

Dard ka shagun baatte hain.

Dil ek Kahani hai.

Haseen shabdo ke beech,

Jahan chippi hai kayi Kashmir jaise lamhe;

Uski, meri aur humari.

Hassi ke pardon ke peechein,

Jab waqt fizool nikalta hai,

Tum mujhe sulana chahti ho?

Aur jab wohi waqt ek barf ban jata hai,

Tum mujhe rulana chahti ho?

Khushiyon ke oonche buildingo ke beech,

Ek kharab si lift ban ke rah gaya hoon.

Na upar jane ki taakat baki hai,

Aur,

Na neeche jane ka koi maksad.

Dil ek bebas Jism hai.

Har kone mein jiske giraft hai,

Intezaar ki ek Mahek;

Uski, meri aur humari.

By: NovoneeL ChakrabortY